Integration is so a oids Ding, i woaß, oba es heat ned auf, dass ma drüba redn muass. Drum hob i s’1×1 vom G’heat-si jetzt zomg’schriebn, damit ma si a weng bessa auskennt:
Valang nix, wei du bist nix.
Drah di wia a Fahnl im Wind und moch kane Umständ.
Schau, dass das an jedn Recht mochst und ned oneckst. Jo nua ned oneckn, nur kuschn und ois wos ma ned was, vatuschn.
Loss da nix zu Schuid kema und wonn dann putz di o mit Unschuid.
Moch ka TamTam und valong nix.
Moch da nix voa und sei an jedn ois neidig.
Schimpf olle ondan und sei söba glei beleidigt.
Loss olle g’spian, wonn da wos ned passt, oba gib jo ned zua wos auf deim Mist g’wochsn ist.
Vakreu di in deina Haut und ruck kan Zentimeta.
Glaub jedn Scheiß, der in der Zeitung steht, oba hea jo ned auf dei G’spia.
Moch kane Bresl und vagrob dei Hearzal.
Hob jo kan Stoiz, nua foische Ehre.
Hob ka Söbstvatrauen und lern deinen Kindan s’Fiachtn.
Suach in Friedn in laare Glasl und schimpf auf Giftla.
